FROM COAST

KARIBU wanafunzi 70 kati ya 1,000 waliobainika kuwa na matatizo mbalimbali yaliyotokana na milipuko ya mabomu iliyotokea Aprili 29 kwenye kambi ya Jeshi la Wananchi (JWTZ), Mbagala Kuu, watatibiwa kwenye Hospitali ya Taifa ya Muhimbili, Mwananchi imeelezwa.

Habari ambazo Mwananchi imezipata zinaeleza kuwa baada ya kufanyika kwa uchunguzi wa watu walioathirika na milipuko hiyo, karibu wanafunzi 900 walibainika kuwa na matatizo na kutibiwa na timu ya madaktari iliyopelekwa eneo hilo baada ya kuripotiwa kuwa watoto wengi walipata matatizo ya kutoona, kutosikia vizuri na maumivu ya kichwa.

Milipuko hiyo ilisababisha vifo vya watu zaidi ya 26 na kujeruhi watu kadhaa huku ikiharibu nyumba za wakazi wengi wa maeneo yanayozunguka kambi hiyo.

Taarifa zilizolifikia gazeti hili jana zinasema kuwa idadi kubwa ya wanafunzi waliopewa rufaa hiyo ni wale waliobainika kuwa na matatizo ya kutosikia na kutoona vizuri.

“Wanafunzi sita wamepelekwa Muhimbili kutokana na kugundulika kuwa hawasikii vizuri kutoka na kuathirika na milipuko ya mabomu hayo na madaktari wamesema watoto wengine 20 hawataweza kuona vizuri hadi wapate matibabu zaidi na kupewa miwani,” alisema mwalimu mmoja wa Mbagala Kuu ambaye alikataa kutajwa gazetini.

Katika Shule ya Msingi Maendeleo habari zinasema kuwa wanafunzi 30 wamebainika kuwa na matatizo ya macho huku 14 wakiwa na matatizo ya kutosikia vizuri.

Kwa mujibu wa walimu hao, baadhi ya wanafunzi waliokuwa wakisumbuliwa na tatizo la masikio kuvuma wakati wote, kuwa na nta nzito na macho kuwasha walitibiwa shuleni hapo na kuendelea vizuri.

Baadhi ya walimu wa shule hizo waliliambia gazeti hili jana kwa nyakati tofauti kuwa tangu kutokea milipuko hiyo Aprili 29 mwaka huu, baadhi ya wanafunzi bado hawajafika shule.

Wamesema kuwa miongoni mwa wanafunzi hao ni pamoja na Majaliwa Petro (10) Mwanafunzi wa darasa la nne katika Shule ya Msingi Maendeleo ambaye tangu kutokea milipuko hiyo hajafika shule.

Hata hivyo, dada wa Petro, Siwema Petro (13) anayesoma Maendeleo alisema mdogo wake ameathirika kisaikolojia na kuwa wakati wote anataka kukimbia na mara kadhaa anaongea mwenyewe.

“Wakati milipuko inatokea Majaliwa alikuwa shuleni, lakini tunasikia katika harakati za kujiokoa aliona mtu aliyekatwa shingo na bomu, sisi tunadhani ndicho kilichomuathiri zaidi,” alisema Siwema.

Milipuko hiyo pia imefanya miguu ya mwanafunzi wa darasa la kwanza wa Mbagala Kuu, Quntinea Livingston, 7, kupooza na hivyo kusaidiwa kwa kubebwa.

Margareth Gilbert, 28, mama mzazi wa Livingston alisema mwanaye aliangukiwa na ukuta akiwa katika harakati za kukimbia baada ya kusikia milipuko ya mabomu.

Katika hatua nyingine, meya wa manispaa ya Temeke, Jerome Bwanausi amesema Mbagala sasa iko shwari na anasikitishwa na baadhi ya watu kutoa kauli za uongo na kuwatisha wananchi.

Akizungumza na waandishi wa habari baada ya kikao cha Baraza la Madiwani la Halmashauri ya hiyo, Bwanausi alisema taarifa zinazosambaa Mbagala kwamba mabomu yatalipuka wakati wowote ni za uongo.

“Msemaji mkuu wa suala zima la mabomu ni mkuu wa mkoa na mpaka sasa hajatoa taarifa yoyote ya ulipuaji mwingine wa mabomu kwa hiyo eneo hilo ni shwari,” alisema.

Naye mkuu wa mkoa wa Dar es Salaam, William Lukuvi jana alilazimika kuiongezea muda kamati inayofanya tathimini ya mali na majengo yaliyoteketezwa kwa mabomu hadi Juni 3 mwaka huu.

Lukuvi aliliambia gazeti hili jana kuwa amelazimika kuiongezea kamati hiyo muda baada ya mwenyekiti wake kuomba muda zaidi kwa ajili ya kukamilisha kazi.

“Nilitegemea kupokea taarifa ya kamati hiyo kesho (leo), lakini mwenyekiti wa kamati Cleophace Rweye alifika ofisini kwangu na kuomba muda zaidi wa kufanya kazi hiyo,” alisema Lukuvi.

“Moja ya mambo aliyodai hajayakamilishwa ni uandaaji wa taarifa na kufikisha taarifa yao kwa mtathimini mkuu wa serikali.”

Alisema ili waathirika hao waondokane na shida ya kuishi kwenye mahema hayo, serikali inahitaji kuwalipa fidia zao mapema, hivyo taarifa ya kamati hiyo ndiyo itakayokuwa mwongozo wa malipo.

Baadhi ya wakazi wa Mbagala Kuu jana waliendelea kuilalamikia kamati hiyo kuwa haikufanya tathimini kwenye nyumba zote zilizokumbwa na maafa hayo.

Wakizungumza na Mwananchi katika ofisi za kata hiyo wakazi hao walisema nyumba zao hazijafanyiwa tathimini tangu zoezi hilo lilipoanza.

Swaum Husein, 32, mkazi wa kitongoji cha Mwanamtoti alisema: “Sijafanyiwa tathimini yoyote katika nyumba yangu mpaka leo hii tunatangaziwa kuwa kazi hiyo imefikia ukomo wake.”

Lusian Matius mkazi wa mwanamtoti alisema: “Unavyotuona hapa tumelazimika kumchukuwa mjumbe wetu aje atueleze kwa nini mpaka leo hii nyumba zetu hazijafanyiwa tathimini.”

Alipoulizwa kuhusu suala hilo, mjumbe wa shina namba moja, Mohamed Likata, 48, alikiri kuwa wakazi hao hawajafanyiwa tathimini na kwamba lina nyumba 34 zinazohitaji.

MABAO ya Samuel Eto'o,dakika ya 10 ya kipindi cha kwanza na Lionel Messi, dakika ya 70 yameipa ubingwa wa tatu wa Ulaya Barcelona na kuivua ubingwa huo Manchester United.

Mpira wa kwanza wa Barca, uliomaliza utawala wa dakika 10 za kwanza za mchezo huo lilifungua mlango kwa mabingwa hao wa Hispania kuonyesha dhamira ya ushindi.

Eto'o, alibashiriwa mapema na mkongwe Rui Costa wa Ureno kuwa ndiye angeweza kuipatia timu yake bao la dakika za nyongeza na kuwaduwaza Man United.

Mshambuliaji huyo wa Cameroon aliweza kutimiza ubashiri huo, kwa kuipa Barca bao muhimu ambalo hatimaye lilireejeshea jeuri timu yake na kuanza kutawala sehemu kubwa ya mchezo kipindi cha kwanza.

Mchezo ulianza kwa timu hizo kuonyesha makali, ingawa ilikuwa Man United ambayo ilikuwa na uchu kwa kulishambulia lango la Barca na kupata mikwaju kadhaa ya adhabu ndogo ambayo 'mtaalam' wake, Cristiano Ronaldo alishindwa kuitumia.

Katika mchezo huo, mwamuzi Massimo Busacca, ambaye kabla ya mchezo alikwenda Vatican, makao ya Kanisa Katoliki, kuomba baraka kwa Papa Benedict XVI akimwonyesha kadi ya njano Gerrard Pique kwa kumchezea vibaya Ronaldo.

Nao Ronaldo na Paul Scholes walionyeshwa kadi za njano kwa mchezo mbaya dhidi ya wapinzani wao.

Mabadiliko ya kipindi cha pili ya kocha Alex Ferguson kuwatoa Ji- Sung Park na Anderson na kuwaingiza Carlos Tevez na Scholes hayakusaidia.

Vikosi:

Barcelona - Victor Valdes, Carles Puyol, Gerrard Pique, YayaToure, Sylvinho, Xavi Hernandez , Sergio Busquets, Andres Iniesta, Lionel Messi, Samuel Eto'o, Thierry Henry.

Manchester United: Edwin Van der Sar, John O'Shea, Rio Ferdinand, Nemanja Vidic, Patrice Evra; Anderson, Michael Carrick, Ryan Giggs, Ji- Sung Park, Cristiano Ronaldo, Wayne Rooney.

Baraza hilo lilikutana kwa dharura saa chache tu baada ya jaribio hilo kufanywa na limeonya hatua kali zitachukuliwa dhidi ya Korea Kaskazini.

Kauli ya Baraza la Usalama la Umoja wa Mataifa imetolewa muda mfupi tu baada ya serikali ya Korea Kaskazini kutangaza imefanya jaribio lililofanikiwa la Kombora la nyuklia lililo kubwa zaidi ya lile iliyolipua mnamo mwaka wa 2006.

Mataifa wanachama sasa wanataka hatua kali zichukuliwe dhidi ya Korea Kaskazini ambayo tayari iko chini ya vikwazo vya baraza hilo la usalama la Umoja wa Mataifa. Lakini serikali ya Korea Kaskazini imepuuza kauli hiyo na kusema iko tayari kukabiliana vilivyo na wapinzani wake wote.

Wataalamu wa makombora wa Urusi wanasema kombora lililolipuliwa lina uwezo sawa na yale yaliyoangushwa na Marekani katika miji ya Hiroshima na Nagasaki nchini Japan wakati wa vita vya pili vya dunia.

Hata China ambayo imekuwa ikiunga mkono Korea Kaskazini chinichini sasa imesema itakubaliana na azimio lolote la Baraza la Usalama wa Umoja wa Mataifa.

Ili kuelewa wasiwasi huu ambao umekumba jamii ya kimataifa ni muhimu kuelewa uwezo wa zana za Kinyuklia.

Kulingana na shirika moja la utaalamu wa kivita la Marekani, Center for Defense Information, makombora matano au sita ya aina iliyofanyiwa majaribio siku ya Jumatatu, yakilipuliwa mara moja yana uwezo wa kuharibifu duniani kote na kuwaacha manusura wachache sana.

Ikiwa na silaha kama hizi, si ajabu Korea kaskazini sasa imeionya Marekani itakabiliana nayo kivita iwapo serikali ya Rais Obama itajaribu kuishambulia

Uchumi wa nchi yenye Uchumi bora barani Africa imerekodi upungufu wa kiwango cha hadi asili mia 6.4% kati ya mwezi Januari na March, ikilinganishwa na kipindi kama hiki mwaka jana.

Hiki ndio kiwango kikubwa cha upungufu tangu mwaka 1984 kikifuatiwa na mdororo wa asili mia 1.8% kila mwaka katika kipindi cha miezi mitatu iliyopita.

Sekta ya ujenzi hata hivyo imeimarika kutokana na mashindano ya mpira ya Kombe la Dunia yanayopangwa kufanyika huko.

Afrika kusini imenufaika chini ya mpango kabambe wa serikali wa uwekezaji katika mipango ya mashindano ya mpira ya mwaka 2010.

Takwimu zilizofanywa na kampuni huru 'Statistics South Africa, imebaini kupungua kwa uzalishaji viwandani pamoja na uwindaji wanyama pori vimechangia mno mdororo huo.

Makampuni ya kuchimba migodi yameathiriwa na mdororo wa uchumi duniani.

Rais wa Marekani Barack Obama ana fursa nzuri kuibadili sura ya Marekani katika ulimwengu wa kiarabu, lakini hata hivyo ana muda mfupi wa kufanya hivyo kulingana na maoni kutoka kwa umma yaliyotokana na utafiti uliofanywa katika nchi za Misri, Jordan, Lebanon,Morocco, Saudi Arabia pamoja na miliki ya nchi za kiarabu.

Utafiti huo uliotolewa siku ya jumannne ulionyesha kuwa asilimia arobaini na tano ya waarabu wote elfu nne waliohojiwa katika mataifa matano, wana hisia nzuri juu ya rais Barack Obama kinyume na asilimia ishini na nne walio na hisia tofauti.

Hata hivyo hisia dhidi sera za marekani katika ulimwengu wa kiarabu zilionekana kubadilika kwa karibu mwaka mmoja uliopita, wakati hisia juu ya marekani na dhidi ya rais wa Zamani George Bush zikiwa mbaya zaidi.

Utafiti wa sasa ulionyesha uungwaji mkono kwa rais Barack Obama pamoja na Marekani huku asilimia sabini na nne ya nchi za kiarabu, zikiunga mkono kuundwa kwa taifa la palestina hali kadhalika zikionyesha huruma wao dhidi ya kundi la Hamas kuliko kundi la Fatah.

Watatu kati ya waarabu wanne wanaunga mkono kuundwa kwa mataifa mawili ya Israel na palestina, kama njia ya kumaliza mgogoro uliopo kati ya pande hizo mbili lakini hata hivyo kati ya walio hojiwa waanamini kuwa ni vigumu kufikiwa kwa makubaliano ya amani.

Utafiti huo pia uligundua kuongezeka kwa hisia dhidi ya mipango ya nuklia ya Iran na kupungua kwa umaarufu wa kiongozi wa Hezbollah Hassan Nasrallah hasa nchini Misri na Morocco .

Rais Obama (kushoto) pamoja na rais wa Afghanistan Hamid Karzai.

Utafiti huo uanafanyika wakati kukiwa na shughuli nyingi za kidiplomasia zianazofanywa na utawala wa rais Obama, baada ya kumteua George Mitchel kama mjumbe wa amani katika ya ulimwengu wa kiarabu na Israel. Hadi sasa micthel ameshafanywa ziara tatu katika eneo hilo tangu ateuliwe na ana mipango ya kuweka ofisi yake mjini Jerusalem.

Wiki iliyopita rais Barack Obama alimualika katika ikulu ya Marekani mfalme Abdullah wa Jordan na pia kukutana na waziri mkuu wa Israel Benjamin Netanyahu siku ya Jumatatu. Wiki ijayo rais Obama anatarajiwa kukutana na rais wa mamlaka ya palestina mahmoud Abbas baada ya rais wa Misri Hosni Mubarak kuhairisha ziara yake nchini Marekani.

Juni nne mwaka huu rais Obama anatarajiwa kuhutubia ulimwengu wa kiarabu kutoka mji wa Cairo nchini Misri, katika kile kinachoonekana kama kinyume na sera za mtangulizi wake kuhusu vita dhidi ya ugaidi suala ambalo waislamu wengi waliliona kama vita dhidi ya uislamu.

Hotuba ya rais Obama pia inatarajiwa kuguzia lengo la utawala mpya nchini Marekani la kupatika kwa amani mashariki ya kati kama njia muhimu ya kuimarisha uhusiano katika ya marekani na ulimwengu wa kiarabu.

Utafiti wa hivi majuzi ulionyesha kuwa hata kama bado kuna shaka kuhusu mipango ya Marekani katika eneo la mashariki ya kati, kuchaguliwa kwa Obama na miezi ya kwanza uongozini huenda kukabadili mawazo mengi.

Wengi wa waliohojiwa, asilimia arobaini na sita walisema kuwa, wangependa wanajeshi wa Marekani waondoke nchini Iraq huku asilimia 26 wakitaka kusuluhishwa kwa mzozo uliopo katika ya Wasrael na wapalestina.

Waziri mkuu wa Israel Benjamin Netanyahu ameapa hii leo kuwa mji wa Jerusalem utasalia kuwa mji wa Israel milele huku Israel ikiadhimisha miaka arobaini na mbili baada ya kulichukua kwa nguvu eneo la mashariki la mji huo lenye wakaazi wengi wa kiarabu.

Jerusalem ni mji mkuu wa Israel, umekuwa tangu hapo na utasalia hivyo milele, na kamwe hautagawanwa, alisema waziri mkuu wa Israel Benjamin Netanyahu wakati wa sherehe za kuadhimisha kuchukuliwa kwa nguvu eneo lililo mashariki mwa Jerusalem, wakati wa vita vya siku sita vilivyo piganwa mwaka 1967.

Jamii ya kimataifa haiutambui mji wa Jerusam kama mji mkuu wa Israel na suala hili linaonekana kama kizingiti kwa mchakato wa amani kati ya Israel na Palestina inayotaka eneo la mashariki mwa Jerusalem kuwa mj wao mkuu baada ya kuundwa kwa taifa la Palestina.

Maelfu ya watu, wengi wao wakipeperusha bendera walijipanga katika mji wa Jerusalem wakati ambapo karibu wapalestina 200 pamoja na wanaharakati wa mrengo wa kushoto wa Israel walifanya maandamano katika mji wa zamani wa Damascus.

Uhusiano wa wayahudiu na mji wa Jerusalem ni wa tangu wa maelfu ya miaka iliyopita na mjii huu utasalia chini ya taifa letu,“ alisema Netanyahu katika mlima wa Ammunition kulikofanyika mapigano makali kati ya wanajeshi wa Israel na wa Jordan mwezi Juni mwaka 1967.

Maadhimisho hayo yanafanyika kila mwaka kuambatana na kalenda ya kiyahudi.

Rais wa mamlaka ya Palestina Mahmud Abbas.

Msemaji wa rais wa mamlaka ya palestina mahamoud Abbas, alisema kuwa eneo la mashariki mwa Mji wa Jerusalem linakaliwa la wapalestina kama vile Waisraeli wanavyoyakalia maeneo ya Palestina tangu Juni nne mwaka 1967.

Nabil Abu Rudeina alisema kuwa matamshi kama hayo yanavuruga mpango wa kuundwa kwa mataifa mawili na kumwomba rais wa Marekani Barack Obama kuingilia kati ili kukomesha sera za Israel, zinazohujumu juhudi za kupatikana kwa amani katika eneo hilo.

Siku ya Alhamisi wabunge wa Israel kutoka upande wa mrengo wa kulia unaotawala, waliwasilisha mswada bungeni ulio na lengo la kuzuia kugawanwa mwa mji wa Jerusalem kwa Wapalestna.

Mswada huo utahitaji mabadilo yoyote yatakayofanyiwa mipaka ya Jerusalem kupata uungwaji mkono wa asilimia 80 miongoni mwa wabunge mia na ishirini kinyume na asilimia sitini na moja iliyopo sasa.

Seriali iliyotanguliwa ilikuwa imeonyesha ishara kuwa Israel, huenda ikasalimisha eneo la masahariki mwa mji wa Jerusalam kwa waarabu.Hata hivyo serikali ya waziri mkuu Benjamin Netanyahu iliyoingia madarakani tarehe 31 mwezi machi mwaka huu, imelipinga suala hilo na hivyo kupata lawama kali za kimataifa kwa kuzuia kuidhinisha kuundwa kwa taifa la Palestina.

Rais Horst Köhler wa Ujerumani amesema kwamba Ujerumani imestawi kuwa nchi yenye uwazi na ya kimataifa katika historia yake ya miaka 60.

Rais Köhler amesema hayo mjini Berlin leo katika maadhimisho ya miaka 60 tokea kuundwa kwa shirikisho la Jamhuri ya Ujermani.

Amesema katika miaka 60 iliyopita Ujerumani limekuwa taifa lenye uwazi kwa dunia .Ameeleza kuwa Ujerumani imeshiriki katika juhudi za kuunda jumuiya za Umoja wa Ulaya na pia imeshsiriki katika kuweka malengo ya kisiasa ya jumuiya hizo.

Amesema Ujerumani imekabiliana na uhalifu uliotendwa na mafashisti na imefikia maridhiano na taifa la kiyahudi.

Rais Köhler ameeleza kuwa wajerumani wamejifunza kutokana na historia na ndiyo sababu kwamba wakati wote itapinga maovu ya chuki dhidi ya wayahudi,ubaguzi ,na chuki dhidi ya wageni.

Juu ya katiba ya Ujerumani iliyoweka msingi wa demokrasia nchini, rais Köhler amesema kuwa hati hiyo ni mwenge wa wa uhuru.Ameeleza kuwa katiba hiyo iliwapa wajerumani wa upande wa mashariki, matumaini.

Kuhusu medani ya kimataifa rais Köhler amesema kuwa Ujerumani imeshirikiana na nchi inayofungamana nazo katika kuletekeleza majukumu ya ya kimataifa.

Imesaidia katika kutatua migogoro mbalimbali duniani na kwamba Ujerumani imetoa mchango wake katika kulinda amani na haki za binadamu duniani.

TEHRAN (Reuters) - Iranian President Mahmoud Ahmadinejad attacked the presence of foreign forces in the region at a summit with his Afghan and Pakistani counterparts on Sunday aimed at tackling terrorism and other security problems.

In separate comments underscoring the Islamic Republic's deep mistrust of the United States, Supreme Leader Ayatollah Ali Khamenei told Afghanistan's Hamid Karzai and Pakistan's Asif Ali Zardari that America was hated among the region's people.

The three neighbors' first such meeting, which ended with pledges of cooperation but without any specific measures being announced, took place as Pakistan and Afghanistan are battling to stem the spread of Taliban insurgencies in their countries.

Iran and Pakistan border Afghanistan and have a large stake in its stability because of the impact of a flourishing drugs trade and because in decades of violence, millions of refugees have often spilled across borders.

Although it is a long-time foe of Iran, the United States is also pushing for a more regional approach against the growing strength of Taliban-linked militants in Afghanistan, one of the areas where Washington is seeking to engage Tehran.

"If we can save Pakistan and Afghanistan from these problems, from extremism ... then such trilateral meetings are meaningful," Karzai, the Afghan president, told the summit in comments broadcast by Iran's English-language Press TV.

"The problems come from amongst ourselves," he said.

But Ahmadinejad, who often rails against the West, took aim at outside intervention in the region, "by others who are alien to the nations and culture of our nations."

Clearly referring to tens of thousands of U.S. and mostly NATO troops in Afghanistan and Iraq, he said they were pursuing their own interests.

The United States is pouring thousands more troops into Afghanistan this year to try to reverse gains by a resurgent Taliban, particularly in its southern heartland.

"Although the presence of foreign forces in our region was under the pretext of establishing security ... it has not been much of a help to the establishment of permanent security and political and economic growth," Ahmadinejad said.

Khamenei, Iran's highest authority, later told Karzai and Zardari in a meeting that foreign military interference was one of the region's main problems.

"America ... is very much hated among the people of the region," the official IRNA news agency quoted him as saying.

At a U.N. meeting in The Hague in March, Iran offered to help Afghanistan combat the narcotics trade, which helps fund the Taliban, in a gesture that U.S. Secretary of State Hillary Clinton called promising.

Kulingana na waandishi habari, inadhaniwa kwamba watu wengine 40 walijeruhiwa baada ya uzio wa senyenge kuporomoka.

Tukio hilo lilifanyika usiku wa Jumamosi, wakati zaidi ya watu 70,000 walijaa pomoni katika uwanja wa michezo wa Hay Nahda, kumtizama mwanamuziki wa Morocco, Abdelaziz Stati.

Katika tamasha mwaka huu walioshiriki ni pamoja na Kylie Minogue, Khaled na Alicia Keyes.

Wadadisi wanasema kwamba tamasha hiyo ya wiki moja ya Mawazine ni kati ya mipango ya Morocco ya kuimarisha sifa nzuri za nchi hiyo ili taifa hilo lionekana ulimwenguni kwamba linakwenda sambamba na maendeleo ya kisasa.

Kulingana na maafisa wa polisi, wanawake watano, wanaume wanne, na watoto wawili, ndio waliofariki kati hali hiyo ya mkanyagano.

PAMOJA na macho na masikio ya Watanzania kuelekezwa bungeni kwa ajili ya bajeti ya serikali mapema mwezi ujao, kashfa ya Richmond iliyotikisa nchi mwaka jana itaibuka tena, safari hii serikali ikieleza ilipofikia katika utekelezaji wa maazimio 23 ya bunge.

Bunge lililotoa maazimio hayo na kuitaka serikali kuyatekeleza, lakini zoezi hilo limekuwa likisuasua na mara kwa mara kuibua maswali, hasa katika eneo la kuwawajibisha vigogo na watumishi wa umma waliotajwa na Kamati ya Dk Harrison Mwakyembe iliyochunguza kashfa hiyo kuwa walihusika kwa namna fulani katika kashfa hiyo.

Katibu wa Bunge, Dk Thomas Kashililah, alisema jana kuwa katika mkutano wa 16 wa bunge utakaoanza Juni 9, mwaka huu pamoja na taarifa hiyo ya Richmond, Waziri wa Fedha na Uchumi, Mustafa Mkulo atatangaza bajeti ya serikali kwa mwaka wa fedha 2009/2010.

Taarifa hiyo ya Richmond imekuwa ikisubiriwa kwa muda mrefu, kutokana na umuhimu wake kwa jamii, hasa baada ya kuwahusisha vigogo wa serikali na kusababisha aliyekuwa Waziri Mkuu, Edward Lowassa na mawaziri wengine wawili kujiuzulu.

Dk Kashililah alizitaja taarifa nyingine zitakazotolewa na serikali ni juu ya utendaji usioridhisha wa Kampuni ya Kupakua Makontena Bandarini (TICTS) pamoja na kuyumba kwa uendeshaji wa Kampuni ya Reli Tanzania (TRL), uuzwaji wa nyumba za serikali pamoja na utoaji wa vitalu vya kuwindia.

Dk Kashililah hakufafanua kwa undani kuhusu kauli hizo za serikali, lakini kumbukumbu za gazeti hili zinaonyesha kuwa suala la Richmond linatokana na maazimio 23 ya Mkutano wa 10 wa Bunge uliofanyika Februari mwaka jana.

Miongoni mwa maazinio hayo, serikali ilitangaza kwenye mkutano wa 14 wa bunge kuwa inaendelea kuyachunguza, likiwamo la uchunguzi wa tuhuma dhidi ya vigogo na watumishi wa umma ambao walitajwa kuhusika kwenye kashfa hiyo.

Vigogo wanaoendelea kuchunguzwa kuwa ni Mwanasheria Mkuu wa Serikali, Johnson Mwanyika na Mkurugenzi wa Taasisi ya Kuzuia na Kupambana na Rushwa (Takukuru), Dk Edward Hoseah.

Serikali pia inatarajia kutoa kauli juu ya uchunguzi maalumu uliofanywa ili kubaini ukweli kama taarifa halisi ya Taasisi ya Kuzuia na Kupambana na Rushwa (Takukuru) kuhusu Richmond iliharibiwa ili kutoa nyingine inayowasafisha vigogo dhidi ya ufisadi.

Vile vile serikali inatarajiwa kutoa jibu juu ya madai kwamba jalada halisi la kampuni ya Richmond lililokuwa kwa Wakala wa Usajili wa Biashara na Leseni (Brela) nalo liliharibiwa na kuwekwa jingine kwa lengo la kuficha ukweli.

Kumekuwepo na hali ya ukosoaji juu ya serikali kuwaruhusu baadhi ya vigogo wanaotuhumiwa kwenye kashfa hiyo ya Richmond kuendelea na nyadhifa zao wakati kuna uchunguzi dhidi yao.

Hali hiyo pia ilijidhihirisha kwenye mkutano wa 14 wa Bunge, ambapo Mwenyekiti wa Kamati ya Bunge ya Nishati na Madini, William Shellukindo akisoma taarifa ya kamati, alisema hali hiyo inatia shaka.

“Kamati ina maoni kwamba uwajibishwaji wa watumishi hao upewe kipaumbele kwa kuwa wao binafsi na nafasi ambazo bado wanazishika huku wakiendelea kuchunguzwa zinatia shaka juu ya utendaji wao wakati huu wa kuchunguzwa,” alisema Shellukindo.

Bunge lilitoa maazimio 23 ya utekelezaji baada ya mjadala wa taarifa ya Kamati Teule ya Bunge iliyoundwa Novemba 2007 ili kuchunguza mchakato wa zabuni ulioipa ushindi Richmond ili kuzalisha umeme wa dharura nchini mwaka 2006.

Ripoti hiyo ya Kamati Teule ya Bunge juu ya Richmond ilisababisha pamoja na Lowassa kujiuzulu kwa mawaziri Dk Ibrahim Msabaha na Nazir Karamagi waliowahi kuwa mawaziri wa Nishati na Madini kwa nyakati tofauti.

Katika hatua za utekelezaji wa maazimio hayo, Agosti mwaka jana serikali ilivunja mkataba na Richmond ambao ulikuwa umerithiwa na kampuni ya Dowans.

Kuhusu kampuni ya TRL, Waziri wa Miundombinu, Dk Shukuru Kawamba anatarajia kutoa taarifa kuhusu kamati ya majadiliano iliyoundwa ili kurekebisha mkataba wa ukodishwaji baina ya serikali na Shirika la Reli la India (Rites).

Kumekuwepo na hali ya kutoridhishwa juu ya uendeshaji wa kampuni ya TRL ambapo baadhi ya shughuli zimesimamishwa na kumekuwepo na msuguano wa mara kwa mara juu ya maslahi ya wafanyakazi.

Kuhusu kampuni ya Ticts, Dk Kawambwa alikuwa ameliahidi bunge kuwa wizara yake itawasilisha mbele ya Baraza la Mawaziri waraka ambao utaainisha marekebisho ya mkataba wa kampuni hiyo na serikali, ili kupitishwa.

Awali, mkataba baina ya serikali na Ticts ulionekana kuwa na mapungufu kadhaa yakiwepo ya kutoruhusiwa kuwa na mshindani jambo ambalo liliibana serikali kuongeza nguvu baada ya uwezo wa kampuni hiyo kupungua na kusababisha msururu mrefu wa meli zinazosubiri kupakuliwa.

Hali hiyo licha ya kuwakatisha tamaa watumiaji wa bandari ya Dar es Salaam, iliisababishia serikali hasara ya mabilioni ya fedha kwa kuwa kila meli iliyocheleweshwa kupakuliwa ilikuwa inalipwa Sh20 milioni kila siku.

Wakati huo huo, Dk Kashililah alisema kuwa kuanzia kesho kamati mbalimbali za bunge zitaanza kufanya vikao vyake vya kujadili kuhusu mambo mbalimbali ya bajeti.